四十七歲嘅藍潔瑛滿頭白髮，皮膚又皺又黑又乾，睇見都心酸咯。

藍潔瑛自從喺九九年精神出現問題之後，就不時四圍問人借錢，幸得曾權威律師出手相助度過難關。可惜死性不改嘅佢，攞錢過大海輸清光，搞到眾叛親離。曾律師斷供之後，藍潔瑛就不時喺街頭連連扯煙，神情落寞，我見可憐。
早排，東姑搭地鐵就見到呢位「癲后」，攬住個背囊嘅佢，心神恍惚兼神情古怪，一時望吓人哋對鞋又望吓自己對鞋。查實藍潔瑛今年只得四十七歲，但係白鬢蒼蒼，似足阿婆，令人難以想像佢就係當年「靚絕五台山」嘅藍潔瑛。