分期還債
今年八月，吳浩康被指再度沉迷藥物，令拍拖五年的富貴女友莊思敏斬纜，不過前度隨即澄清分手只因性格不合。被英皇投閒置散多年，吳浩康先後做過泰拳教練，又讀書考牌兼職做保險經紀，但依然入不敷支，咭數愈碌愈大。「銀行追佢咭數追咗好耐，佢唔接電話一味避，銀行咪打去英皇刮人，其實佢啲咭已經被銀行cut晒，佢都知避無可避。」知情者說。本週一（十二月十九日）下午三點幾，肥了一個碼的吳浩康短褲踢拖街坊裝離開屋企，到附近快餐店買飯盒可樂返家醫肚。吳浩康聲稱當日請病假，對於有指他欠八萬蚊咭數未找，他說：「我係爭咭數，因為之前去咗溫州做嘢，冇還一期咭數，但返到香港就即刻同公司溝通番，不過因為信用咭條款問題，我唔可以一筆過還清，如果唔係會罰錢，我而家要分六期攤還，每期還一萬四千幾蚊。」
同公司再借
收入不穩，屋漏兼逢連夜雨，今年中，吳浩康因為父親發現患癌，要再度向英皇借錢。「我經濟係出現問題，老豆五月證實有cancer，我問公司借咗五萬蚊幫老豆俾醫藥費，好彩佢有買保險，唔似阿媽（○七年吳母患肝癌）冇買，當年我都問公司借咗二十萬。老實講，我呢幾年工作量唔多，又冇乜其他收入，就算做保險，因為我有刑事案底，都搞咗一段時間先攞到牌，正式做都係呢五個月嘅事，最初階段只係播種期，可以搵到幾多？我搵兩萬幾，都係啱啱夠租屋食飯，不過我一定會負責任，欠債還錢天經地義。」
拖欠屋租
除欠咭數外，一直在麗港城屋苑租屋住，去年初突然搬到同屋苑另一座的吳浩康，亦被指未交清舊居屋租。「屋租一直都係由老豆負責，我哋試過冇交幾個月，不過最後係有俾番先搬，如果搵番啲租單，我會俾你登出嚟，不過無論點都好，如果令上手業主唔方便，我希望佢唔好介意。」吳浩康說。
公司債未還清，原來吳浩康亦有欠前度錢。他的收費電視NOW月費，一直由莊思敏戶口過數，「因為之前佢（莊思敏）喺我屋企住，都唔記得咩情況下，用佢個名開咗戶口，因為簽咗約，所以冇得轉名，我已經去搞手續，將自動轉賬變為現金交費，嚟緊我會俾番晒啲月費。」
前度財困，莊思敏承認曾借錢給對方：「幾多唔好講，你問番佢？（有冇講幾時還？）冇講實。（有冇催過佢還錢？）有提過，不過佢暫時未有行動。」 ####
週一，脹爆吳浩康踢拖街坊裝落街買外賣醫肚，邊行邊聽歌。
跟莊思敏拍拖，吳浩康打扮富貴孖住女友去Ball。
到茶餐廳買完飯盒，吳浩康即返回8座屋企，他表示當日唔舒服向公司請了病假。
兼職做保險經紀一年有多，吳浩康每朝八點多返工，不過依然入不敷支。
吳母患肝癌病逝後，吳浩康今年5月又為患癌的父親籌醫藥費，認真運滯。
08年，本刊拍到他跟前度在13座出入，去年他突然搬到8座單位，月租一萬。
英皇再俾機會，正在籌備明年推出新唱片的他，不時將組合成員之一向展輝的夾band相放上微博。
吳浩康被公司通知明年以組合Closer繼續出唱片，早前他便跟住大班同事出席澳門國慶活動。
