據知情者透露，去年3月Gaile返三藩市搵屋，最後睇中一間過萬呎有游泳的獨立屋，Leon二話不說即落定，當係送俾Gaile安胎住。「點知成交唔夠半年Gaile就有咗，惟有託佢媽咪代為收樓同搞裝修，再等Gaile個胎佗穩咗，先返去搞啲濕醉嘢。」原本黎明打算新年期間陪老婆回三藩市探親在豪宅短住嘆2人世界，可惜經理人陳善之臨時為他接下多個國內騷，Gaile只好單飛。她到埗後2日都留在老家足不出戶，28日起才在家人陪同下，一連幾日出門添置家具及日常用品。全程由母親、妹妹及女友人代勞拎重物。
雖然黎明現正忙着北上挖銀，但有知情者說﹕「聽講Leon遲啲會過來陪老婆，不過佢咁忙，一定唔會留太長時間，所以Gaile已經預留咗3間房俾媽咪同2個妹妹，等佢哋得閒過去住。」
